დებედას არხის სარწყავი სისტემა ექსპლუატაციაში შევიდა


ქვემო ქართლის რეგიონში კიდევ სამი სოფლის მოსახლეობა, დაახლოებით 1 800 ადაიანი, ისარგებლებს ჩატარებული სარეაბილიტაციო სამუშოების შედეგად მიღებული სარწყავი წყლით. საქართველოს გაერთიანებული სამელიორაციო სისტემების კომპანიამ მარნეულის მუნიციპალიტეტში დებედას არხის სარწყავი სისტემა გაუშვა ექსპლუატაციაში. წყლის გაშვებას დაესწრნენ ადგილობრივი ფერმერები, საქართველოს გაერთიანებული სამელიორაციო სისტემების კომპანიის ქვემო ქართლის რეგიონის დირექტორი ვახტანგ გარდაფხაძე და მარნეულის მუნიციპალიტეტის გამგებელი მერაბ თოფჩიშვილი.

 2014 წელს დაწყებული და მიმდინარე წლის აპრილში დასრულებული სარეაბილიტაციო პროექტის ღირებულება 1 976 999 ლარია. სამუშაოების პროცესში გაიწმინდა 14 კმ მაგისტრალური არხი, ჩატარდა შიდასმაეურნეო ქსელის რეაბილიტაცია. შედეგად დამატებით წყალუზრუნველყოფილია 875 ჰექტარი სასოფლო-სამეურნეო მიწის ფართობი. აღნიშნული სავარგულებით მარნეულის მუნიციპალიტეტის სოფლების - არაფლოს, კიროხლოს და ქვემო ყულარის მოსახლეობა ისარგებლებს.

ვიდეოს სანახავად გადადით ბმულზე