„საქართველოს მელიორაციის“ გენერალურმა დირექტორმა სერვისცენტრების თანამშრომლები დააჯილდოვა
საქართველოს მელიორაციის გენერალურმა დირექტორმა გიგლა თამაზაშვილმა კახეთის რეგიონის ქვემო სამგორისა და ქვემო ქართლის რეგიონის გარდაბნის სერვისცენტრების თანამშრომლებს მადლობის სიგელები გადასცა.
გენერალური დირექტორის განცხადებით, სერვისცენტრებმა კოორდინირებული მუშაობით და პროფესიონალიზმით უზრუნველყვეს სარწყავი სისტემების სტაბილური ექსპლუატაცია, ტექნიკური გამოწვევების დროული მართვა და ფერმერებისთვის სარწყავი წყლის უწყვეტი მიწოდება.
„სარწყავ სეზონზე მომსახურების მაღალი სტანდარტის უზრუნველყოფა დიდწილად დამოკიდებულია რეგიონული სერვისცენტრების ყოველდღიურ, ინტენსიურ და პასუხისმგებლობით შესრულებულ მუშაობაზე, რასაც ჩვენმა თანამშრომლებმა მაღალი პროფესიონალიზმითა და გუნდური ძალისხმევით საუკეთესოდ გაართვეს თავი, რისთვისაც მათ მადლობას ვუხდი“, - განაცხადა საქართველოს მელიორაციის გენერალურმა დირექტორმა.
