შიდა ქართლისა და სამცხე-ჯავახეთის რეგიონული სამსახურის უფროსის წარდგენა
შპს „საქართველოს მელიორაციის“ გენერალურმა დირექტორმა გიგლა თამაზაშვილმა კომპანიის შიდა ქართლისა და სამცხე-ჯავახეთის რეგიონული სამსახურისა და სერვისცენტრების თანამშრომლებს სამსახურის ახალი უფროსი, ლევან მჭედლიძე წარუდგინა.
შეხვედრაზე გენერალურმა დირექტორმა რეგიონული სამსახურების მნიშვნელობის შესახებ ისაუბრა და აღნიშნა, რომ შიდა ქართლისა და სამცხე-ჯავახეთის რეგიონული სამსახურის ეფექტიან მუშაობაზეა დამოკიდებული არაერთი სამელიორაციო ინფრასტრუქტურული პროექტის ეფექტიანი განხორციელება, რაც სოფლის მეურნეობის განვითარებისთვის მნიშვნელოვანი წინაპირობა.
ლევან მჭედლიძეს სახელმწიფო და კერძო სექტორში მუშაობის მრავალწლიანი გამოცდილება აქვს. გიგლა თამაზაშვილმა სამსახურის ყოფილ უფროსს გაწეული საქმიანობისთვის მადლობა გადაუხადა. ახალ ხელმძღვანელს მომავალ საქმიანობაში წარმატება უსურვა.
