სამშენებლო კომპანიის წარმომადგენლებთან შეხვედრა გაიმართა

გარემოს დაცვისა და სოფლის მეურნეობის სამინისტროს შპს „საქართველოს მელიორაციას“, „ინფრასტრუქტურის მშენებელთა ასოციაციასა“ და სამშენებლო კომპანიის წარმომადგენლებს შორის შეხვედრა გაიმართა. შეხვედრის მონაწილეებმა სადრენაჟე და საირიგაციო სისტემებზე განსახორციელებელ ინფრასტრუქტურულ პროექტებსა და სამუშაოების წარმოების პროცესებზე იმსჯელეს. სამშენებლო კომპანიების წარმომადგენლებმა, ასევე, სარეაბილიტაციო სამუშაოების განხორციელებისას წარმოქმნილ მათთვის მნიშვნელოვან ფაქტორებზე გაამახვილეს ყურადღება.
შეხვედრას 30-მდე სამშენებლო კომპანიის, მათ შორის, შპს „საქართველოს მელიორაციის“ კონტრაქტორი და არაკონტრაქტორი კომპანიების წარმომადგენლები ესწრებოდნენ.
subscribe news